Двејн Џонсон и Клои Кардашијан сега се соседи во Музејот за восочни фигури „Мадам Тисо“ во Лас Вегас.

Во видеото објавено на Тикток пред два дена се гледа дека актерот навратил во музејот за да ја види својата нова восочна фигура. Потоа тој ја покажа на своите фанови, а се одлучи да покаже уште нешто.

„Морам да ве запознаам со мојата сосетка“, изјави актерот и ја заврте камерата кон фигурата од Клои Кардашијан, облечена во чипкасто боди и тесни фармерки.

„Погледнете го тоа луѓе, изгледаме кул заедно, зарем не?“, се запраша тој.

@therock I just have oneeee more note @madametussaudsusa ??@khloékardashian? ♬ original sound – The Rock

Наскоро тој забележа една разлика и се пожали дека на неговата фигура недостасува материјал во подрачјето на задникот, па ги замоли вработените во музејот „да му дадат малку повеќе глутеус“.

„Дајте ми глутеус како нејзиниот“, додаде тој.

Видеото го погледна и Кардашијанката, а како што откри таа, „плачела од смеење“.

„Ми се чини дека сум во одлично друштво. Не наместиле“, напиша Клои.