Еден од најдобрите играчи во НБА лигата, Кевин Дурент, се врати на паркетот по повредата на коленото и во првиот натпревар за Феникс постигна 23 поени за 27 минути игра.

Санси славеа на гостувањето во Шарлот (105:91), благодарение на одличното прво полувреме во кое стекнаа двоцифрена предност, која до крајот успеаја да ја задржат.

Девин Букер беше најефикасен во тимот од Аризона со 37 коша, додека Диандре Ејтон имаше „дабл-дабл“ учинок (16 поени, 16 скокови).

Кели Убре имаше најдобри перформанси во редовите на Хорнетси со 26 поени, Тери Розир постигна 20, а Гордон Хејворд 15.

Во Западната конференција Феникс е на четвртото место (34-29), додека Шарлот е претпоследен на Истокот (20-44).

НБА, резултати –

Шарлот – Феникс 91:105
Детроит – Чикаго 115:117
Бостон – Кливленд 117:113
Мајами – Филаделфија 96:119
Њујорк – Бруклин 142:118
Хјустон – Мемфис 99:113
Милвоки – Орландо 139:117
Оклахома – ЛА Лејкерс 117:123
Портланд – Њу Орлеанс 110:121