Националниот парк „Пелистер“ за справување со пожари на отворено, ќе користи дрон, соопшти директорот на националната установа Иванчо Тошевски.

-ЈУ Национален парк „Пелистер“ првпат во својата историја употреби дрон кој овозможи да се надгледува шумски пожар на отворен простор и брзо да се дејствува. Оваа активност ја спроведовме во соработка со општинскиот Кризен штаб на симулациска вежба, а по извршената анализа констатиравме дека со активирање на единствен команден систем овозможен преку дрон, брзо се гасне пожар и се спасуваат лица доколку тоа е потребно, изјави Тошевски за МИА.

Ставањето во функција на нови технологии за брзи интервенции е дел од стратегијата на ЈУ Национален парк „Пелистер“ за што поддршка има и од Центарот за управување со кризи.