ВИДЕО: Дончиќ испиша историја во НБА лигата, го надмина рекордот на Меџик Џонсон
Кошаркарите на Далас во НБА лигата убедливо го совладаа Денвер со 127:99, благодарение на новата одлична партија на Лука Дончиќ, кој пред своите навивачи стигна до 50 трипл-дабл во кариерата.
Препорачано
Словенецот имаше 33 поени, по 11 скокови и асистенции, и уште еднаш испиша историја во најдобрата кошаркарска лига на светот.
Дончиќ (23) е само третиот играч кој успеа да стигне до 50 трипл-дабл пред својата 25 година.
Congrats to @luka7doncic of the @dallasmavs for becoming the 10th player in NBA History to record 50 career triple-doubles! pic.twitter.com/OiSjQTdoRA
— NBA (@NBA) November 19, 2022
На спротивната страна за Нагетси на синоќешниот меч по 18 коша постигнаа Брус Браун (седум асистенции) и Кентавиус Колдвел-Поуп. За Денвер не настапи српскиот центар Никола Јокиќ поради болест.
Инаку за овој учинок, на Дончиќ му беа потребни 278 натпревари, еден помалку од легендарниот Меџик Џонсон. Рекордот и понатаму го држи неприкосновениот Оскар Робертсон, кој за само 111 мечеви стигна до 50 трипл-дабл во кариерата, а прашање е дали некој во новата ера на кошарката ќе го надмине неговиот успех.
НБА лига, резултати –
Вашингтон – Мајами 107:106
Кливленд – Шарлот 132:122 (по две продолженија)
Филаделфија – Милвоки 110:102
Чикаго – Орландо 107:108
Хјустон – Индијана 91:99
Мемфис – Оклахома 121:110
Далас – Денвер 127:99
Њу Орлеанс – Бостон 109:117
Јута – Феникс 134:133
Голден стејт – Њујорк 111:101
ЛА Лејкерс – Детроит 128:121
