фото: EPA-EFE/CRAIG LASSIG

ВИДЕО: Дончиќ и Ирвинг го одведоа Далас во НБА финалето за прв пат од шампионската 2011 година

Кошаркарите на Далас се пласираа во финалето на НБА лигата за прв пат по 2011 година, кога ја освоија шампионската титула.

Далас синоќа победи против Минесота со резултат 124:103 во петтиот натпревар од финалето на Западната конференција за конечни 4:1 во серијата, а Лука Дончиќ и Кајри Ирвинг ги предводеа Маверикси до победата со по 36 поени. Ентони Едвардс и Карл-Ентони Таунс постигнаа по 28 поени за Тимбервулфс.

Дончиќ постигна неверојатни 20 поени во првите четири минути игра. Првите 12 минути Далас ги доби во своја корист со резултат 35:19. Играчите на тренерот Џејсон Кид продолжија во ист ритам и во втората четвртина, а на полувремето резултатот беше 69:40.

До крајот на натпреварот Далас ја задржа предноста и славеше со резултат 124:103.

Маверикс во големото финале на НБА ќе играат против Бостон кој претходно со 4:0 во финалето на Источната конференција триумфираше со 4:0 над Индијана пејсерс.

Серијата од финалната серија ќе стартува на 6 јуни кога домаќин на првиот натпревар ќе бидат Селтикси.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот