Нова блескава партија на македонскиот репрезентативец Ненад Димитријевиќ во победата на Олимпија Милано дома против Бреша (88:85) во третото коло од италијанскиот кошаркарски шампионат.

Нашиот плејмејкер беше прв стрелец во триумфот на својата екипа со 15 поени, три скокови и шест асистенции за 26 минути на паркетот.

На спротивната страна најефикасен беше Амедео Дела Вале со 19 поени, еден повеќе од Црногорецот -од Никола Ивановиќ кој имаше и шест асистенции.

На табелата Олимпија Милано е на четвртото место со четири бодови, зад водечкото трио Тренто, Виртус Болоња и Триесте со по шест бодови.

Во следното коло тимот на Димитријевиќ во првенството на 20 октомври ќе му гостуваат на Скафати.