Дејана Бачко позната како „Девојката со крилјата“, ја видела својата мала ќерка Лара како ја имитира, па го повикала својот сопруг Марко да го сними овој прекрасен момент.

Дејана е уметница, сопруга, мајка, вози автомобил, тренира … Со еден збор таа е супержена која е тука да не потсети дека не смееме да бидеме мрзливи и да наоѓаме изговори за сопствениот неуспех, затоа што, ако сакаме се е возможно.

На својот Инстаграм профил таа сподели емотивно виде од нејзината ќерка која го имитира нејзиното цртање со прстите на нозете.

– Ова ме расплака – напиша таа.

 

View this post on Instagram

 

A post shared by DEVOJKA SA KRILIMA – ART (@girl_with_wings_art)

„Најубавото нешто што го видов денес“, „Ова е пример како децата да учат од своите родители …“, се само дел од коментарите под видеото.

Психологијата вели дека децата учат преку моделирање на однесувањето – гледајќи што прават нивните родители, а не кажуваат. Затоа постојано се истакнува моќта на постапките над зборовите и претпазливоста во однесувањето пред дете кое е во формативни години на развој.

Нема сомнеж дека ќерката на храбрата Дејана ќе биде мултиталентирано дете.