Кошаркарите на Денвер во НБА лигата ја совладаа Јута со 129:93, а српскиот репрезентативец Никола Јокиќ оствари дабл-дабл учинок на натпреварот.

Јокиќ одигра три четвртини и запиша 27 поени, 14 скокови и шест асистенции, по што тренерот го одмори во последната четвртина.

Кај Нагетс, Мајкл Портер Џуниор постигна 20 поени, Расел Вестбрук забележа 17 поени и седум асистенции, а Кристијан Браун имаше 16 поени.

Најдобри играчи за Џез беа Колин Секстон со 20 и Кајл Филиповски со 18 поени и 13 скокови.

Денвер е на третата позиција (47-28) на Западот, а во истата конференција Јута е на последната 15 позиција (16-59).

НБА лига, резултати:

Детроит – Кливленд 133:122
Бруклин – ЛА Клиперс 100:132
Торонто – Шарлот 108:97
Милвоки – Њујорк 107:116
Минесота – Феникс 124:109
Њу Орлеанс – Голден стејт 95:111
Денвер – Јута 129:93