Дејвид и Викторија Бекам пристигнаа на Модната недела во Париз, а со оглед на нивната популарност, беше невозможно да останат незабележани. Овој пар речиси 26 години привлекува внимание каде и да се појави, особено поради внимателно одбраните и усогласени модни комбинации.

Дејвид изгледаше одлично во црн смокинг во комбинација со бела кошула и бел шал околу вратот. Додека пак познатата дизајнерка, се одлучи за едноставност која ги освои и најголемите модни критичари.

Нејзината црна креација имаше долги ракави и совршено ја следеше линијата на телото се до подот, а набраниот дел кај колковите беше и единствениот детал на фустанот, а она што го забележаа сите е дека Дејвид не го тргна погледот од својата сопруга.

Со црните салонки и впечатливиот накит Викторија ја заокружи својата модна фантазија, додека заедно со Дејвид им позираше на насобраните фотографи.