Само еден човек во светот успеа да освои златен медал на Олимписките игри, но и Оскар за учество во филм, а тоа е легендарниот кошаркар Коби Брајант.

Во последните неколку години сè повеќе внимание се посветува на оние луѓе кои успеале да освојат неколку значајни награди од различни области на уметноста. Овде првенствено се мисли на акронимот „ЕГОТ“, кој се користи кога некој ќе успее да ги освои наградите Еми, Греми, Оскар и Тони.

Од друга страна, не постои кратенка за Оскар и златен медал на Олимпијадата, можеби затоа што е тешко да се биде врвен уметник и врвен спортист во исто време, а можеби и затоа што никој не успеал да ги освои овие две награди. Никој, освен Коби Брајант, пишува „Сити магазин“.

Во 2008 година американскиот кошаркар  го освои својот прв златен медал, триумфирајќи со тимот на САД на Летните олимписки игри во Пекинг . Во 2012 година, тој повторно го освои златото заедно со легендарниот тим во кој беа Леброн Џејмс, Кевин Дурант, Кармелo Ентони, Крис Пол, Дерон Вилијамс и Тејшаун Принс.

Дека успехот во кошарката не му беше доволен на Брајант говори и податокот дека на 90-тото доделување на Оскарите, овој врвен спортист го однесе дома Оскарот за анимираниот краток филм што го напиша и беше наратор. Врз основа на истоимената песна што ја напиша во 2015 година, „Драга кошарко“ беше емотивна почит на неговото време во спортот, што на крајот стана трогателна почит кон животот и наследството на ѕвездата која трагично го загуби животот во 2020 година.

Оскарот беше поделен со режисерот Глен Кин, кој е најпознат по неговата работа на неколку анимирани филмови на Дизни, вклучувајќи ги „Убавицата и ѕверот“ од 1991 година и „Тарзан“ од 1999 година.

@popculturebrain Only one person has won an Oscar and an Olympic Gold medal (Source: Far Out) #olympics #olympics2024 #parisolympics #oscars #academyawards #movietok #filmtok #sportstiktok ♬ original sound – Alex | Pop Culture Brain

Интересни факти за Олимписките игри кои веројатно не сте ги знаеле