ВИДЕО | Далас може и без Дончиќ, Вориорси убедливи против Сакраменто
Кошаркарите на Голден Стејт вориорс убедливо го совладаа Сакраменто кингс во НБА лигата со конечен резултат 132:106.
Препорачано
Кари и соиграчите од стартот доминираа, а натпреварот го завршија со неверојатни 40 асистенции. Веќе имаа благо водство (+3) во првата четвртина, кое до полувремето порасна на +15. Во третата четвртина продолжија со одличен проток на топка и одбрана, влегувајќи во последните 12 минути со големи +17 водство. Кингси немаа одговор, а единствен во нивните редови расположен беше Демар Дерозан со 34 поени.
Најдобри играчи во победничкиот тим беа Мозес Муди и Бади Хилд со по 22 поени.
Далас маверикс настапи без класичен центар, но сепак успеа да го совлада Њу Орлеанс пеликанс (111:103).
Без Ентони Дејвис, Даниел Гафорд и Дерик Лајвли мораа да импровизираат, како и без Лука Дончиќ кој се пресели во Лос Анџелес лејкерс, но најдоа начин да одржат победнички ритам. Кајри Ирвинг беше најефикасен со 35 поени во победничките редови, а најдобар стрелец кај Пеликанс беше Зајон Вилијамсон со 29.
НБА лига, резултати:
Кливленд кавалирс – Њујорк никс 142:106
Орландо меџик – Мемфис гризлис 104:105
Вашингтон визардс – Милвоки бакс 101:104
Торонто репторс – Мајами хит 111:120
Далас маверикс – Њу Орлеанс пеликанс 111:103
Сан Антонио спарс – Детроит пистонс 110:125
Хјустон рокетс – Минесота тимбервулфс 121:115
Јута џез – Оклахома Сити тандер 107:130
Сакраменто кингс – Голден Стејт вориорс 106:132
