Традиционалниот унгарски танц Чардаш е впишан на листата на нематеријално културно наследство на УНЕСКО.

Одлуката беше донесена во средата на состанокот на Меѓувладиниот комитет за заштита на нематеријалното културно наследство, што е во тек во Асунсион, Парагвај.

Музејот на отворено во Сентендре, унгарскиот координатор на договорот за зачувување на нематеријалното културно наследство, во соопштението наведе дека Комитетот во својата проценка ја истакнал улогата на танцот во унгарските заедници.

Во соопштението се наведува дека Чардашот е присутен во сите унгарски заедници во различни верзии и дека останува важен дел од унгарските прослави.

Наведено е дека чардашот е дел од репертоарот на професионални и аматерски играчи и дека е присутен во училиштата и летните кампови, како и во современите медиуми, се вели во соопштението.