ВИДЕО | Божиновски: Бугарија ја користи нашата желба да им угодиме на другите
Најмалку што ѝ треба на ЕУ е да се расправа за нови членки како што се Македонија и Албанија. Оттаму немаат фокус и Бугарија си ја тера својата политика, вели политичкиот аналитичар Владимир Божиновски своето гостување во емисијата „Студио 10“ на телевизија 24.
– Не се знае дали Грција барала нешто од нас или Заев им го подарил тоа, некако се чувствува таа желба да им се угоди на другите. Тоа е тој проблем кога некој ќе те исперцепира како држава која е подготвена да се откаже од својата државност, тогаш зошто некој да не го искористи тоа? Всушност, Бугарија виде шанса во тоа, после она што се случи со Грција. Јас дваесет години говорев дека времето не работи за Македонија, туку работи против Македонија во грчко-македонскиот спор. Се избра најлошиот македонски естаблишмент за да го реши тој проблем. Заев и останатите околу него се луѓе кои немаат никакво чувство за државност, за националност. Тоа беа луѓе кои беа спремни да поминат преку сѐ.
Пак се враќа историската бугарска комисија која вели дека македонската страна не прифаќа дека имаме заедничка историја и затоа нема напредок. Какви се тие ставови? Не може друга држава да менува историја и цела фрустрација од минато да ја истура врз нас. Ние, наместо да направиме обид да изградиме силна македонска позиција, повторно сѐ некако се крие, вели Божиновски.