ВИДЕО | Борис Бекер очекува дете со својата 23-години помлада сопруга
Поранешниот тенисер Борис Бекер (57) објави дека очекува дете со својата 23-годишна сопруга Лилијан де Карваљо Монтеиро.
Препорачано
„Доаѓа мало чудо. Најдоброто допрва доаѓа“, напиша Борис покрај видео од бремената Лилијан.
View this post on Instagram
Борис веќе има четири деца. Во бракот со Барбара Фелтус ги имаше синовите Ноа и Елиас. Со Ангела Ермакова ја има ќерката Ана, а со поранешната сопруга Лили Керсенберг го доби синот Амадеус.
Борис и Лилијан се венчаа минатата година во Портофино, Италија.
Бидејќи свадбата се одржала во вила на недостапно место, на фотографите им било тешко да стигнат до младенците. Вилата е опкружена со шума од три страни, а напред има карпа.
Според „Вог“, на свадбата имало околу 80 гости. Според извештаите, запросувањето се случило во 2021 година во Миланската катедрала.
Бекер рече дека Лилијан била љубовта на неговиот живот.
Лилијан, менаџерка за проценка на политички ризик од африканскиот остров Сао Томе и Принсипе, е со Бекер неколку години. Тие се преселиле заедно во Милано по неговото ослободување од затвор, каде што отслужил осум месеци од две и полгодишната казна за измама со личен банкрот.
Списанието „Бунте“ објави дека Бекер при неговото заминување во 2022 година рекол: „Преживав благодарение на нејзината љубов. Да, таа е големата љубов на мојот живот. И се надевам дека секогаш ќе останам со неа“.
Ова е трет брак на Бекер. Тој се ожени со својата прва сопруга, Барбара, во 1993 година и се разведе од неа во 2001 година откако тенисерот призна дека имал афера додека неговата сопруга била бремена со нивното второ дете. Потоа се ожени со Лили Бекер, но се разделија во 2018 година по девет години заедно.
