Групата Ц на Светското клупско првенство конечно им овозможи на навивачите во САД сериозен, квалитетен фудбал.

Откако Баерн Минхен постигна 10 гола против немоќниот Окленд Сити во првиот натпревар, Бока јуниорс и Бенфика одиграа возбудлив натпревар, достоен за натпреварување кое, барем на хартија, се нарекува Светско клупско првенство.

Головите за аргентинската екипа Бока јуниорс ги постигнаа Мигел Мерентиел во 21 минута и Родриго Батаља во 27 минута.

Стрелци за португалскиот претставник Бенфика беа Анхел ди Марија од пенал во самиот финиш од првото полувреме (45+3`) и Николас Отаменди во 84 минута.

Бока го заврши мечот со 10 играчи на теренот, откако Белоти доби црвен картон во 72 минута.

Во второто коло од групата Ц ќе се сретнат Баерн и Бока јуниорс, додека Бенфика ќе игра против Окленд сити.

Светско клупско првенство 2025

Група Ц, 1 коло

Баерн Минхен – Окленд сити 10:0
Бока јуниорс – Бенфика 2:2

Табела: Баерн Минхен 3 бодови, Бока јуниорс 1, Бенфика 1, Окленд сити 1.

2 коло, двојки:

20 јуни Бенфика – Окленд сити
21 јуни Баерн Минхен – Бока јуниорс