Родители на ученици од паралелка во четврто одделение во ОУ ,,Јан Амос Коменски“ во Карпош продолжуваат да не им дозволуваат на своите деца да посетуваат настава. Причината, како што веќе објави „Слободен печат“, е тоа што во петокот на 9 мај, ученик со предизвици во однесувањето ја нападнал наставничката.

Целото обраќање на родителите погледнете го во следното видео.

Таа била третирана од итната помош и се наоѓа на боледување. Во медицинската документација стои дека наставничката „за време на вршење на работните обврски била загризана по раката и удирана по главата од страна на ученик“ и дека е уште вознемирена и расплакана.

Училиштето во соработка со родителите на ученикот реши да го повлече од наставата, но само привремено, а родителите бараат трајно решение. Паралелката има 24 ученици, а 18 не се во училишните клупи.