Целје Пивоварна Лашко не успеа да направи изненадување на гостувањето против двократниот европски шампион, но Словенците долго време му парираа.

Во третото коло од групната фаза на ЕХФ Лигата на шампионите, Барселона пред своите гледачи го совлада Целје со 38:30 (15:14).

Дика Мем беше прв стрелец со 10 гола кај Шпанците, додека на спротивната страна блескаше Иванковиќ со седум голови, по шест има Маргуч и Влах.

Во истата група „Б“ Кил на домашен терен ја оправда фаворитската улога славејќи над Пик Сегед со 34:29.

За Германците Екберг имаше шест погодоци, а кај Унгарците доминираше Роста кој петпати се запиша во листата на стрелците.

ЕХФ Лига на шампиони
3. коло, резултати –

Кил – Пик Сегед 34:29
Висла Плоцк – ГОГ 31:27
Барселона – Целје 38:30
Нант – Елверум 41:30

Група „А“, табела: Веспрем 6 бодови, ПСЖ 4, Магдебург 4, Висла Плоцк 4, ГОГ 3, ППД Загреб 2, Динамо Букурешт 1, Порто 0.

Група „Б“, табела: Барселона 6 бодови, Кил 4, Алборг 4, Нант 4, Келце 4, Целје 2, Пик Сегед 0, Елверум 0.