НБА лигата доцна синоќа ги објави финалистите за индивидуалните награди за регуларниот дел од сезоната по што веднаш почнаа полемиките за истите.

Очекувано, најголеми полемики се водат за највредната награда, признанието за МВП кошаркар на сезоната каде во финалниот избор се најдоа Никола Јокиќ, Џоел Ембид и Стеф Кари.
Овој пат во главната улога беа легендарните Шекил О’Нил и Чарлс Баркли кои по објавата на финалистите за МВП наградата, влегоа во расправија. Шекил го фаворизираше Стеф Кари, додека Баркли смета дека Никола Јокиќ е единствен кој ја заслужува оваа награда.

– Според сегашните правила, МВП е Стеф Кари, тој е најдобар играч на светот. Моето прашање е зошто некој ја освојува МВП наградата на Ол-стар натпреварите? Поради тоа како играше, е не поради тимскиот учинок. Така е и кога се избира МВП на финалето – рече Шекил по што веднаш му реплицираше Чарлс Баркли.
– Но важно е и тимот да победува. Тоа мора да биде играч во тим кој победува. Што зборуваш? – се запраша Баркли по што продоложи Шекил.

– Реков дека на Ол-стар натреварот најдобриот играч ја добива наградата. Ја добива играч од победничкиот тим бидејќи го предводел својот тим до триумфот. Бидејќи Стеф Кари е најдобар на светот – реплицираше О’Нил.
Точка на расправата сепак стави Баркли.
– Стеф Кари игра за тим кој се наоѓа во плеј-ин. Играше одлично и е подобар од Крис Пол. Иако би сакал тука во финалниот избор да го видам Пол, верувам дека Кари беше подобар. Но Џокер ќе ја земе наградата. Џоел беше повреден, би сакал да го видам Пол тука, а на Стеф не може да му се одземе тоа што го направи.