Холивудскиот актер Арнолд Шварценегер (73) ja прими вакцина против коронавирусот и ги повика луѓето да се вакцинираат со реплика од филмот „Терминатор“.

Арнолд објави видео на својот инстаграм – профил и покажа како изгледа процесот на вакцинација, а тој истакна дека никогаш не бил посреќен додека чекал на ред.

– Денес беше добар ден. Никогаш не сум бил посреќен додека чекав во ред. Доколку ги исполнувате условите, придружете ми се и аплицирајте за вакцинација, напишал актерот.

– „Дојди со мене ако сакаш да живееш“, додаде Шварценегер и повика на вакцинација со реплика од филмот „Терминатор“.

Видеото предизвика бројни реакции, ласкави пофалби за добар пример, но и смешни коментари: „Зарем не ја скршивте иглата?“, „Дали им рековте дека ќе се вратите“, „Ти си терминатор, не ти е гајле“, беа само дел од коментарите на фановите.