Во рамките од првото коло во А сегментот на Лигата на нации, фудбалската репрезентација на Германија убедливо со 5:0 ја совлада Унгарија.

На теренот во Диселдорф Германците водеа по првиот дел со погодокот на Фулкруг, а во второто полувреме по еден гол запишаа Мусиала, Вирц, Павловиќ и Хаверц, овој последниот од пенал.

Се одигра уште еден меч, Холанѓаните со 5:2 славеа над Босна и Херцеговина.

Во Б сегментот на стадионот во Даблин англиските фудбалери триумфираа против Ирска со 2:0 со головите на Рајс во 11 и Грилиш во 26 минута.

Во останатите дуели: Грузија – Чешка 4:1, Грција – Финска 3:0 и Украина – Албанија 1:2.

Селекцијата на Молдавија во Д сегментот на домашен терен дојде до триумф против Малта.