Фудбалската репрезентација на Англија обезбеди пласман на Европското првенство 2024 откако на стадионот „Вембли“ во Лондон со 3:1 триумфираше над Италија во квалификациската група „Ц“ во која игра и Македонија.

Два гола за Англија реализираше Хари Кејн, а еден беше дело на Маркус Рашфорд. Единствениот погодок за Италијанците го постигна Џанлука Скамака. Украина по пресврт успеа да ја совлада Малта со 1:3 на гостински терен.

Англија е првопласирана на табелата со 16 бодови од шест натпревари, а Украина е втора со 13 од седум мечеви.

Италија е третопласирана со 10 бодови од шест натпревари, следуваат Македонија која има седум бодови од шест натпревари, а Малта е последна без бодови од седум натпревари.

Следниот месец на 17 ноември Англија ќе игра со Малта, а Италија ќе ја пречека Македонија во Рим. Три дена подоцна Македонија ќе се соочи со Англија во Скопје, а Украина во Леверкузен ќе игра против Италија.

ВИДЕО: Србија е блиску до учество на Европското првенство по триумфот над Црна Гора