Во шестото коло од најсилната шпанска фудбалска лига во женска конкуренција екипата на Леванте славеше на гостувањето против Реал Мадрид со 2:1.

Тоа е инаку третата победа сезонава за Леванте, а прв пораз за Реал Мадрид по петте победи по ред од стартот на шампионатот.

Водеа гостинските фудбалерки од 12 минута по погодокот на Фернандез по асистенцијата на Габи Нунес.

Израмни домашната екипа во 50 минута преку Каиседо, а конечниот епилог беше поставен во 67 минута. Корнер изведе македонската фудбалерка Наташа Андонова, ја пронајде Габи Нунес која со глава ја смести топката во противничката мрежа.

На табелата Леванте е на петтата позиција со 12 бодови, шест помалку од водечката Барселона.