„Храбар и одлучен“, пишува поранешната германска канцеларка Ангела Меркел во своите мемоари за поранешниот премиер на Македонија, Зоран Заев.

– Новинарот Михаел Мартенс од „Aлгемајне цајтунг“ имал можност да ја прочита пред промоцијата биографијата на Меркел и тој тврди дека поранешниот премиер Зоран Заев е единствениот жив политичар од Западен Балкан кој Ангела Меркел го споменува во своите мемоари. Тој вели дека ако некого не сака, Меркел едноставно го игнонира. Тоа важи и за нејзиниот миленик Борис Тадиќ и за нејзиниот пулен Александар Вучиќ, па и за Мило Ѓукановиќ, Еди Рама и Никола Груевски. Интересно е што Меркел не кажува ниту еден збор за Јанис Варуфакис, поранешниот министер за финансии на Грција, кој во меѓувреме стана вистински суперстар и еден од најпознатите економисти во светот – вели новинарот на Слободен печат, Срѓан Ивановиќ.