Поранешниот американски амбасадор во Македонија и некогашен висок функционер на американскиот Стејт департмент, Филип Рикер рече дека во наредниот период Западен Балкан нема да биде од интерес за САД.

– Ова не е никакво изненадување бидејќи голем број чинители во американската политика долго време потенцираа дека ново-стариот претседател на САД, Доналд Трамп, пред сè ќе се посвети на домашните проблеми, а тежиштето на надворешната политика од Атлантскиот Океан ќе го пресели на Пацификот. Тоа значи дека европскиот континент, вклучително и Западниот Балкан и Македонија нема да бидат од особен интерес за американската дипломатија. Тоа може да има сериозни импликации за регионот, вклучително и за нашата држава. Тука пред сè мислам на спорот со Бугарија, кој без американско посредување тешко дека може да се реши – вели новинарот на Слободен печат, Срѓан Ивановиќ.