Денеска се одиграа сите осум осминафинални реванш натпревари, а во следната фаза од Конференциската лига се пласираа Славија Прага, Лестер сити, Марсеј, ПАОК, Рома, Феенорд, ПСВ Ајндховен и Бодо/Глимт.

Рома на домашен терен одигра 1:1 против Витесе, но благодарение на победата во првиот меч (1:0) се пласираше во четвртфиналето.

На стадионот „Олимпико“ во Рим немаше голови во првото полувреме, а во второто во 62 минута Холанѓаните дојдоа до изненадувачко водство преку Витек.

Многумина помислија дека мечот оди во продолженија, но тоа не го дозволи Абрахам кој израмни во 91 минута за голема радост на „волчицата“.

Tammy Abraham sends Roma thought in stoppage time.

You love to see it?pic.twitter.com/fehRDMkSwt

— Iconic Mourinho?? (@Iconic_Mourinho) March 17, 2022

Партизан беше немоќен во двомечот против Феенорд, холандскиот претставник триумфираше и на возвратната пресмета со 3:1 и со вкупни 8:3 се промовираше во четвртфиналист.

За домаќините по еднаш во листата на стрелците се запишаа Десерс (45`0, Нелсон (59`) и Линсен (90`), а на спротивната страна погодок имаше Гомес (61`).