Јутјуб е платформа позната по својата неверојатна количина на содржини – од интервјуа, филмови, критики, шеги, до анимации, документарни филмови и видеа кои собираат милиони „лајкови“ и „дислајкови“.

Иако Гугл го криеше јавното прикажување на бројот на „дислајкови“ во 2021 година, познат е фактот дека со години најомразеното видео на Јутјуб беше спотот на Џастин Бибер и Лудакрис за песната „Baby“, објавен во 2010 година.

Со 12 милиони дислајкови, видеото речиси седум години ја држеше титулата најомразено видео на Јутјуб, а потоа се појави видео кое го зазеде тронот на неславната листа.

Станува збор за видео наречено „YouTube Rewind 2018: Everyone Controls Rewind“, за кое, иронично, одговорни се вработените во оваа платформа. Видеото е направено со цел да ги сумира најважните моменти од таа година и затоа било голема чест да се биде вклучен во серијата „YouTube Rewind“ како креатор на истакнати содржини.

Сепак, видеото доби 10 милиони „дислајкови“ само една недела откако беше објавено, а денес има повеќе од 23 милиони „дислајкови“.

Голем број јутјубери и корисници бурно реагираа на видеото, тврдејќи дека Јутјуб им отстапил место на застарените и непопуларни трендови и не вклучува многу популарни јутјубери на годината. Покрај тоа, многумина тврдеа дека содржината е премногу фокусирана „да ги задоволи огласувачите“.

Инаку, популарниот шведски јутјубер PewDiePie објави преглед на видеото и изјави дека му е драго што не е вклучен.

„Се сеќавам, мислам, сите се сеќаваат, Rewind беше нешто што се чинеше како почит на креаторите од таа година. Сега ми е мило што не сум во него бидејќи видеото е морничаво, толку исклучено од заедницата и креаторите “, рече тој.

Бројни корисници го преплавија Јутјуб со негативни коментари под видеото, а некои ја истакнаа иронијата на целата приказна.

„Иронијата е што Јутјуб го направи видеото со најмногу дислајкови на својата платформа. Не може да биде полудо од тоа“, гласи еден од коментарите.