ПСЖ во своето прво финале во Лигата на шампионите загуби од Баерн Минхен кој по шести пат стана европски шампион и засега не успева да го оствари сонот на сопствениците на францускиот тим, селелството катарското кралско семејство Ал Тани.

Тие му дадоа задача на Ал-Келаифи ПСЖ да стане европски шампион и за тоа не штедат средства. Досега се фрлени повеќе од 1.2 милијарди евра за засилувања како Нејмар, Мбапе, Кавани, Силва, Икарди, Верати, но во првото финале загубија од германскиот тим.

– Тажни сме. Горд сум на моите играчи, имавме одлична сезона, игравме одлично на завршниот турнир во Лисабон, а во финалето имавме се што беше потребно да победиме, но ова е фудбал. Ќе се обидеме да дојдеме до титулата наредната сезона. Ветувам дека ќе ја освоиме ЛШ – изјави претседателот на ПСЖ, Насер Ал-Келаифи.