Сè уште актуелниот европски шампион, Вардар, интензивно се подготвува за новата сезона под водство на новиот претседател, Михајло Михајловски.

Нов член на „црвено-црните“ е францускиот голман Робин Кантегрел кој доаѓа од екипата на Сесон-Рен која беше првопласирана во втората француска лига.

Кантегрел е резервна опција за вардарци, откако не успеа да го ангажира македонскиот репрезентативец Никола Митревски кој најави повторно заминување во странство, поточно во Порто.

Освен новиот голман, Вардар во новата сезона ќе го има на располагање и специјалистот за одбрана, Глеб Калараш кој го продолжи договорот.
Претходно нови договори потпишаа и стандардните членови на шампионскиот тим Тимур Дибиров, Кристијан Дисингер, Стојанче Стоилов и Иван Чупиќ како и младите Мишевски, Атанасовски, Гашовски, Крстевски, а од Металург е донесен, поточно вратен Томислав Јагуриновски.