Првите пет минути поминаа во една рамноправна борба, со по два гола на двете страни, иако двапати водешe македонскиот и европски шампион.

Вардар можеше да има и поголема предност, но домашниот голман Хусаин не дозволуваше и го одржуваше својот тим резултатски со неколку убави одбрани, но и новото летно засилување Кугис кај македонскиот првак се истакнуваше со свои добри интервенции, па првите 10 минути поминаа во знак на голманите.

Претходно деветтата минута беше 3:2 за Вардар после првиот погодок на крилото Чупиќ, но веднаш израмнија домаќините, плус проблем беа и двете минути исклучување на Горбок.

Одбраната на нашиот првак навидум добро функционираше, а и нападот почна да биде уште поактивен, по еден нов погодок реализираа Горпишин и Дисингер за прв пат „плус два“ на средбата (5:3). Германскиот бек беше нерешлива енигма за Ал Мудхар, па дојде и до третиот гол во 13 минута за 6:4.

А откако Кугис ја запиша и петтата одбрана, во контра реализираше Чупиќ што го принуди противникот да го побара првиот тајм аут (7:4).

? | لقطات مصورة من مباراة مضر @mudharclub ?? مع فاردار @HCVardar ?? في ربع نهائي بطولة #سوبر_جلوب_في_السعودية pic.twitter.com/onoi6sNQwO

— الاتحاد السعودي لكرة اليد (@sahfksa) August 28, 2019

Се одржуваше позитивата од три голови разлика, во 19 минута првенец имаше и Кристопанс за 10:7 реализирајќи од својата бековска позиција, но веднаш возврати Зајед на спротивната страна.

Во листата на стрелците почнаа да се запишуваат и останатите играчи, Атман и Дибиров се погрижија за 12:8 во 23 минута. А на пет минути пред паузата домаќините направија уште една грешка, во контра казни Атман по додавањето на Шишкарев за 14:9. После првото полувреме водеше Вардар со 17:12.

.@HCVardar are through to the semi-finals at the 2019 IHF Men's #SuperGlobe thanks to a 34:27 victory over @mudharclub ???‍♂️ pic.twitter.com/QreyXHT3KU

— IHF (@ihf_info) August 28, 2019

На стартот од вториот дел со неколку исклучувања на двете страни, тоа ништо драстично не промени на резултатски план, во 37 минута беше 22:16, а чуварот на мрежата Гедбан од својот гол исто така запиша погодок за највисоки плус седум разлика и нова минута одмор за домаќинот.

Во 42 минута веќе предноста стана двоцифрена (27:17) со петтиот гол на Дисингер и тука полека се најавуваше последниот полуфиналист. Во 50 минута Кристопанс со четвртиот гол реализираше за 30:20 на семафорот, до крајот беше само рутина. Шанса добија и ракометарите од клупата, а  за играч на мечот беше прогласен Тимур Дибиров.

В четврток во полуфиналето ракометарите на Писонеро ќе играат против Кил, а Барселона се сретнува со Ал Вехда (Саудиска Арабија).

„ИХФ Супер Глоуб 2019“

Четвртфинале
Вардар (Македонија)-Ал Мудхар (Саудиска Арабија) 34:27 (17:12)

Вардар: Кизиќ (5 одб.), Гедбан 1 (3 одб.), Кугис (7 одб., 1 сед.), Горпишин 3, Дисингер 5, Чупиќ 5, Кристопанс 4, Атман 2, Дибиров 6, Шишкарев 2, Сикошек Пелко 3, Скубе 1, Димитриоски 2.