СЕХА-Газпром лигата ги објави термините и саатниците за претстојните четвртфинални натпревари во кои Македонија ја претставуваат Вардар 1961 и Еурофарм Пелистер во рамките од дивизија „Југ“.

Скопските „црвено-црни“ на 6 април на домашен терен ќе бидат домаќини на Војводина од Србија со почеток од 18.00 часот, а реваншот е пет дена подоцна (16.30 часот).

Еурофарм Пелистер од Битола на 4 април ќе го пречека словачкиот Татран Прешов (18.00 часот), а возвратниот дуел е на 10 април (16.00 часот).

Српскиот Партизан на 5 и 12 април ќе ги одмери силите со унгарскиот Веспрем.

Доколку Вардар 1961 биде подобар во двомечот со Војводина, следен ривал ќе му биде Мешков Брест од Белорусија, додека Еурофарм Пелистер доколку го елиминира Татран Прешов, ќе игра против рускиот Чеховски Медведи.