Властите во Мексико ја одобрија вакцината на Фајзер и Бионтек против ковид-19, откако здравствениот регулатор во земјава даде зелено светло, со што Мексико стана четвртата земја во која ќе се користи оваа вакцина против ковид-19. 

„Кофеприс одобри итна употреба на вакцините на Фајзер и Бионтек – рече заменик-министерот за здравство Уго Лопез-Гател на прес-конференција. 

– Тоа е причина за надеж –  додаде тој.

Мексиканската влада нарача 34,4 милиони дози вакцина на „Фајзер“, а првите пратки треба да пристигнат веќе овој месец.

Вакцината на Фајзер и Бионтек беше одобрена од Велика Британија, Канада и Бахреин пред Мексико, а подоцна и од САД.