Украинска уметница ги трогна сите на Инстаграм: Ги разубавува рушевините на својот роден град со илустрации
Украинската уметница и илустраторка Саша Анисимова проба да го „врати“ животот на разрушените згради на својот роден град, Харков.
Препорачано
На својот Инстаграм-профил, оваа девојка објави фотографии од жалосно разорениот град, на кој интервенираше со свои илустрации и цртежи, обидувајќи се да го врати секојдневниот живот кој до неодамна го живееја сите украински граѓани.
Еден од цртежите е наречен: „Украден живот“.
View this post on Instagram
„Денес полнам 30 години. Мислев дека сакам да имам куќа, патувања, облека и многу други нешта, но сега само сакам да сум во својот роден град, да го шетам моето куче во паркот и да уживам под сонцето пиејќи кафе, наместо да читам вести за војната“ – изјави таа на една од своите илустрации.
View this post on Instagram
Таа изјави дека не знае колку ќе трае војната ниту колку нејзини сонародници останале без покрив на главата.
View this post on Instagram
„Знам дека живеевме нормален живот, но тие го украдоа тоа и го нарекоа „спасување“. Нема да ја разберам војната, никогаш. Нема да заборавам на тоа страшно утро кога си заминав од својот град“ – вели Саша.
Нејзините цртежи ги трогнаа многу од следбениците на Инстаграм, а фотографиите станаа вирални на интернет. На Твитер мрежата, корисниците во жал коментираа дека украдените животи се страшна приказна на 21 век, но дека уметноста е сила со која може да се запомнат овие тешки мигови и да не се заборави што се случило.
Stolen lives
By Sasha Anisimova from Kharkiv pic.twitter.com/Aojl9D6ZTs— Olena Halushka (@OlenaHalushka) March 16, 2022
