Велосипеди во вредност од 250.000 евра биле украдени во Тревизо, пишуваат италијанските медиуми. Тие биле од познатиот италијански производител на тркачки велосипеди „Пинарело“.

Велосипедите, вкупно 19, биле украдени од продавница и тоа во два наврати во растојание од неколку часа?!

Прво била украдени 12 велосипеди, а потоа полицијата пристигнала. Но, откако полицијата заминала, по неколку часа крадците се вратиле и украле уште седум велосипеди?!

Не е прв случај да има масовен грабеж на велосипеди од високата класа „Пинарело“.

Во 2021 година, 22 велосипеди „Пинарело“, во вредност од 600.000 евра, кои припаѓале на италијанската репрезентација биле украдени од комбе паркирано пред нивниот хотел за време на Светското првенство во Рубе.