Ученик во германскиот град Офенберг со огнено оружје ранил соученик, пренесува германски Билд.

Полицијата околу 13 часот соопшти дека осомничениот е уапсен во рамките на големата акција во училиштето во Офенберг, а станува збор за малолетно дете.

Според Билд, во акцијата учествувале четири полициски хеликоптери и десетици полицајци. Околу 180 ученици од училиштето се евакуирани од зградата и пуштени дома.

Полицијата во моментов ги пребарува просториите за евентуални дополнителни сторители или сомнителни предмети.

Според Билд, тоа е специјално училиште за деца со потешкотии во учењето.