Ученик пред 113 години позајмил книга и никогаш не ја вратил: Сега е пронајдена и ја открива неговата тажна судбина
Книга позајмена од училишна библиотека во Камбрија, Англија пред Првата светска војна вратена е дури 113 години подоцна.
Препорачано
Копија од „Поезијата на Бајрон“, ја пронашол маж во велшкиот округ Кармартеншир и решил да ја врати во библиотека во Камбрија откако видел дека е позајмена од ученик во тоа училиште, пишува „Гардијан“.
Внатре во сината книга било напишано името на Леонард Јубанк, како и датумот 25 септември 1911 година. Јубанк, кој бил роден во 1893 година, бил ученик во училиштето „Сент Бис“ од 1902 до 1911 година, пред да ги продолжи студиите на Квинс колеџот, Оксфорд.
Записите покажуваат дека, и покрај слабиот вид, тој бил регрутиран во 1915 година за да се бори во Првата светска војна. Леонард бил убиен во битка на 23 февруари 1916 година со куршум во главата и бил погребан во Белгија.
Инаку, училиштето „Сент Бис“, кое постои 430 години, наплаќа партиципација од 19.000 до 48.000 евра годишно. Поранешни ученици го вклучуваат актерот Роуан Аткинсон, како и двајца заменици на Универзитетот во Кембриџ.
Book returned to school after more than 100 years https://t.co/dPil4gPxEz
— BBC North West (@BBCNWT) October 18, 2024
