Данскиот репрезентативец и еден од најдобрите ракометари во светот, Микел Хансен се враќа на терените и ќе заигра во дресот на Алборг.

Данецот во февруари оваа година соопшти дека поради стрес и депресија ќе биде отсутен до крајот на сезоната, а на тоа се одлучи по освојувањето на светското злато со репрезентацијата.

Во мај Хансен се врати на тренинзите и сега е спремен да заигра на терените на почетокот на новата сезона.

„Микел влезе во полн тренажен процес и е дел од тимот. Полека влегува во орма и очекуваме наскоро да биде спремен да даде 100% од своите можности“, изјави Јан Ларсен, директорот на клубот.

Пролетта 2022 година, Хансен се соочи со здравствени проблеми кој настана поради операција на коленото, а јавноста сметаше дека токму тоа е една од причините за лошата состојба со која се соочи еден од најдобрите светски ракометари.