По победата над Гибралтар (1:0) пред пет дена, македонската фудбалска У21 репрезентација ќе се обиде да оствари нов триумф во квалификациите за пласман на Европското првенство 2025.

Денеска противник на избраниците на селекторот Драги Канатларовски во квалификациската група „Ц“ ќе биде селекцијата на Шведска со почеток од 14.00 часот на Националната арена „Тодор Проески“ во Скопје.

Потсетување дека квалификацискиот циклус нашите фудбалски надежи го стартуваа со сензационална победа на гости против еден од фаворитите во групата со 1:0, но потоа следуваа три порази во низа од Холандија (2:0), Молдавија (2:1) и Грузија (1:0).

Моментно на табелата води Холандија со 21 бод, пред Грузија која има 10, следува Шведска со седум п по шест Молдавија и Македонија, а последен е Гибралтар (три).

Канатларовски вели дека Шведска ќе има желба за одмазда, но и неговите репрезентативци ќе се прашуваат за резултатот.