Уругвајската фудбалска репрезентација до 20 години за првпат во историјата ја освои титулата светски шампион, откако во финалето одиграно во Ла Плата, Аргентина, ја совлада Италија со резултат 1:0.

Младите Уругвајци беа подобри во текот на целиот финален натпревар кој беше решен во 86 минута.

После изведен корнер имаше мешаница пред голот на Италија, а најдобро се снајде Родригез кој со глава ја упат топката во противничката мрежа.

Третото место го освоија младите фудбалери на Израел кои со 3:1 ги совладаа врсниците од Јужна Кореја.

Уругвајците пред овој шампионат играа во финалето на светските првенства во оваа категорија и загубија во 1997 и 2013 година. Италија до 20 години за првпат во историјата играше финале.