Порталот „germanijak.hr“ подготви еден предбожиќен специјал, еден состав на најдобрите 11 странци кои оваа деценија беа, односно се дел од најдобрата хрватска фудбалска лига. Во овој избор се наоѓаат тројца македонски репрезентативвци, Илија Несторовски, Стефан Ристовски и Аријан Адеми.

Ристовски кој моментно ги брани боите на португалскиот клуб Спортинг Лисабон, своевремено беше еден од најдобрите играчи на Риека во сезоната 2016/17, екипата која дојде до двојна круна. Дојде на мала врата, но затоа веднаш стана најдобриот играч на лигата, а со самото тоа и најдобриот десен бек.

Адеми кој 2010 година ги брани боите на Динамо Загреб, станува збор за еден голем борец, вистински лидер и секој тренер би сакал да го има во своите редови.

Кој знае во кој правец ќе беше неговата кариера, доколку не беше двегодишната суспензија (во најдобрите години). Во секој случај, еден одличен играч од среднит ред, и „модрите“ сигурно ќе пронајдат негова замена во иднина.

И на крајот Несторовски кој поради финансиските малверзации во Палермо, минатото лето направи трансфер во Удинезе.

Вистинска „гол-машина“ чии перформанси беа причина за негова преселба во Италија. Три години се задржа во Првата хрватска лига реализирајќи неверојатни 74 голови.