Три рецепти за евтин ручек за крај на месецот: Превкусни оброци за малку пари
Крај на месецот е и останавте без пари? Затоа, ви предлагаме три фантастични и евтини ручеци. Пробајте мелено месо со пченка, карфиол со пилешко и тиквички со леб. За секој од овие оброци не ви треба богатство, а ќе имате одличен ручек за целото семејство.
Препорачано
Мелено месо со пченка
Состојки:
– 400 г мелено месо
– 2 главици кромид
– 1/2 праз
– 2 моркови
– 1 шолја слатка пченка
– 2 лажици сос од соја
– 1 лажица јаболков оцет
Подготовка:
Кромидот и празот исечкајте ги на коцки и пропржете ги во масло. Потоа додајте го меленото месо и продолжете со пржењето. Сипете ги пченката и морковите, па налејте со вода. Зачинете со сос од соја, јаболков оцет и зачини по желба, па покријте и динстајте околу 20 минути. Пред сервирање, пробајте дали е доволно зачинето. Послужете со варен ориз.
Печен карфиол со пилешко
Состојки:
– 300 г бело месо
– 1/2 карфиол
– 2 јајца
– 200 мл јогурт
Подготовка:
Месото исечете го на коцки, посолете го и пропржете го во тава. Карфиолот избланширајте го, па процедете го. Измешајте ги пилешкото и карфиолот, па прелијте ги со изматените јајца во кои сте ги додале јогуртот и водата. Печете на 230 степени околу 30 минути.
Печени тиквички со леб
Состојки:
– 1 средна тиквичка
– 200 г сув леб или погача
– 2 јајца
– 100 мл млеко
– 100 мл павлака за готвење
– 30 г пармезан
– 1 чешне лук
– 1/2 лажичка ким
– 1 лажичка сушен босилек
Подготовка:
Исечете го лебот и ставете го во сад. Прелијте го со млекото и павлаката и добро измешајте, па оставете настрана да се натопи барем 15 минути.
Тиквичките исечкајте ги на многу тенки кругови, а во сад измешајте ги ситно сечканиот лук, јајцата, кимот, босилекот и пармезанот и зачинете со малку сол и бибер.
Измешајте ги лебот, тиквичките и смесата од јајца. Огноотпорниот сад малку подмачкајте го со масло и во него сипете ја смесата. Печете во загреана рерна на 180 степени околу 40 минути.
