Премиерот на Полска, Матеуш Моравјецки итно го свика Комитетот на Министерскиот совет за прашања на националната безбедност и одбраната, изјави владиниот портпарол Пјотр Мулер.

Состанокот е свикан откако врз полското село Пжеводов на границата со Украина вечерва паднаа две ракети, за кои висок претставник на американското разузнавање наведе дека се руски. Според првичните информации, ракетите паднале на фарма во селото, каде двајца луѓе загинале.

„Ве молиме не објавувајте непотврдени информации, за ова ќе разговараме по средбата, рече Мулер.

На средбата со министерот за внатрешни работи и администрација Мариуш Камински, министерот за надворешни работи Збигњев Рау, министерот за правда Збигњев Зиобро, а присуствува и претседателот на државата, Анджеј Дуда.

Засега не е утврдено што точно ја предизвикало експлозијата, како и дали таа е резултат на паднати руски ракети.

По извештајот на агенцијата АП, во кој неименуван висок американски претставник рече дека експлозијата е предизвикана од руски ракети, од Пентагон изјавија дека во моментов немаат информации за да го потврдат тоа, но дека „сериозно ги разгледуваат“ извештаите.

ВИДЕО: Руски ракети паднаа во Полска, има загинати – НАТО на готовс