Македонскиот репрезентативен напаѓач Бојан Миовски го реализираше 20 гол оваа сезона во дресот на Абердин.

Во вторникот во рамките од шкотската Премиер лига фудбалерите на Абердин загубија минимално на „Ајброкс“ стадионот од Ренџерс со 2:1, а единствениот погодок за гостите го постигна Миовски.

Новиот тренер на Абердин, Нил Ворнок, дебитираше на клупата со пораз, а по завршувањето на мечот имаше пофалби за нашиот напаѓач:

– Мислам дека ќе постигне 30 голови. Бојан е супер, добро момче со добар став – вели Ворнок.

Миовски моментно е на второто место на листата најдобри стрелци во шкотската Премиер лига со 13 голови, три помалку од играчот на Хартс, Лоренс Шенкленд.