Оваа сезона имаме рекорден број на вакцинирани граѓани од ризичната група, а болниците и амбулантите се преполни. На што се должи зголемениот број на болни за краток период и дали оваа слика се разликува од претходните години? Дали е паметно децата да се вратат на училиште? Го достигнавме ли пикот на сезонскиот грип? Одговори на овие прашања во утринската емисија „Слободен печат“ бараме од д-р Злате Мехмедовиќ, портпарол на Комисијата за заразни болести.

Со Дејан Азески историчар и новинар зборуваме за тоа што ќе донесе новиот мандат на Трамп во светот, Европа, Балканот, но и во Македонија.

Стефан Николовски е млад, амбициозен и талентиран актер од Велес, кој публиката го запозна преку оригиналните имитации на нашите политичари. Се занимава и со стендап-комедија, а особено е популарен и на социјалните мрежи каде редовно споделува комични видео-клипови.

Гледајте „Слободен печат“ секој работен ден во 9 часот наутро.