Том Харди се понудил да им исплати 315.000 долари на градежните работници кои не добиле плата
Том Харди се понудил да ѝ плати на градежната екипа која не добила плата откако биле ангажирани од градежна компанија да работат на новата серија на актерот „Fixer“.
Препорачано
Актерот ги освои срцата на сите со својот гест кога се понудил да им исплати плати на работниците за божиќната сезона, пренесува „Пипл“.
Тој понудил да плати 250.000 фунти или приближно 315.000 долари за работниците кои правеле сетови за неговата нова серија „Fixer“ во режија на Гај Ричи, кога градежната компанија што ги вработила излегла од бизнисот, пишува „Лондон Тајмс“.
Додека работниците, кои биле вработени како изведувачи во градежната компанија „Helix 3D“, ги завршиле обврските минатото лето, протечената порака на WhatsApp открила дека компанијата нема средства да ги исплати и покрај тоа што на компанијата ѝ биле исплатени пари од „Парамаунт“.
Том Харди наводно понудил да обезбеди околу 315.000 долари за подмирување на обврските на работниците.
Според актерот, сите тие заслужуваат да бидат платени навреме за време на празниците. „Лондон Тајмс“ објави дека Харди понудил да плати, но продукцијата и „Парамаунт“ го договориле плаќањето.
Претстојната серија „Fixer“ е во режија на режисерот Гај Ричи, а во главните улоги Пирс Броснан и Хелен Мирен.
