Бела Торн го обвини колегата актер Мики Рурк за недолично однесување на снимањето, по неговиот неодамнешен скандал со хомофобија во кој беше вклучена пејачката Џоџо Сива.

 

View this post on Instagram

 

A post shared by BELLA (@bellathorne)

Во неколку објави на социјалните мрежи објавени во петокот, Бела тврдела дека имало „толку многу работи“ што Рурк ја натерал да издржи додека работеле на заеднички проект. Иако не го именувала проектот, Торн и Рурк претходно работеа заедно на трилерот „Девојката“ од 2020 година.

„Овој е… тип. Морав да работам со овој човек – во сцена каде што сум на колена со рацете врзани зад грбот. Требаше да стави метална дупчалка на моето колено, но наместо тоа, ја туркаше на моите гениталии и ме удираше одново и одново.“

Актерката продолжила да го опишува ужасот низ кој поминала работејќи со холивудската ѕвезда:

„Имав модринки на карличната коска. Работата со Мики беше едно од најлошите искуства во мојот живот работејќи како актерка.“

Во посебна објава, таа додала: „Толку многу одвратни приказни за работите низ кои ме натера да поминам поради филмот, вклучувајќи ја и неговата последна сцена каде што го забрзува бројот на обрти на моторот за да може целосно да ме покрие со нечистотија. Претпоставувам дека мислеше дека е смешно да ме понижи пред целата екипа.“

„Тој влегуваше во својата приколка сосема сам, бидејќи одбиваше да разговара со режисерот или со продуцентите. Морав да го убедувам да се врати на снимањето и да ја заврши својата работа, а тој го искористи тоа за да вреска и да бара невозможни работи од продуцентите. Всушност, морав да го молам, бидејќи филмот не можеше да се заврши без него. Работата на сите ќе беше изгубена и целосно залудна. Не сакав да го направам тоа. Ми беше непријатно, но го направив она што се бараше од мене и што е најдобро за филмот“, рекла Бела.

Во изјавата што актерот ја даде за „Вариети“, претставниците на медиумите порачаа дека „се свесни за изјавата на Бела Торн во врска со нејзиното искуство на снимањето со г-дин Рурк во текот на продукцијата на претходниот филм“.

„Овие обвинувања се исклучително сериозни. Г-дин Рурк категорично негира какво било намерно недолично однесување“, се наведува во соопштението. „Тој не бил свесен за никакви такви загрижености во текот на снимањето и досега не знаел за непријатноста на г-ѓа Торн. Од почит кон сите страни и со оглед на сериозноста на тврдењата, г-дин Рурк нема да дава понатамошни јавни коментари во овој момент. Тој останува подготвен да соработува во секоја соодветна истрага“, соопштиле претставниците на актерот.

ВИДЕО | „Истата улога ја игра 35 години“: За Мики Рурк актерот Том Круз е „небитен“

Малку е да се каже дека е непрепознатлив: Мики Рурк повторно шокира со изгледот