Тинејџер во Манчестер загинал со велосипед бегајќи од полиција, се забил во амбулантно возило
Во британски Салфорд, град кој кој е дел од областа поголем Манчестер, тинејџер починал како последица на полициска потера. Саул Куксон (15) возел електричен велосипед додека бил следен од полицијата и се судрил со возило на брза помош.
Сообраќајните полицајци кои го бркале 15-годишникот биле принудени да ја прекинат потерата кога налетале на столпчиња. Полицијата од Манчестер соопшти дека судирот меѓу велосипедот и брзата помош се случил на патот Лангворти. Од Независната полициска служба оценија дека однесувањето на полицајците е „со нормална процедура“, соопшти полицијата.
„Ние независно ги истражуваме околностите околу сериозниот судир на е-велосипед и амбулантното возило во Салфорд. Возачот на велосипедот, 15-годишно момче, беше однесен во болница каде за жал почина. Нашите мисли се со семејството и пријателите на момчето кое трагично почина“, изјави нивниот портпарол.
„Бевме контактирани од полицијата на Манчестер поради фактот што полициско возило го следеше е-велосипедот непосредно пред судирот. Испративме инспектори на местото на судирот, на раскрсницата на патот Лангворти и Лоуер Сидли Роуд, исто така. Што се однесува до полициската постапка по инцидентот, да започнеме со собирање докази. Нашата истрага е во многу рана фаза и ќе дадеме дополнителни детали кога ќе можеме да го сториме тоа“, додаде тој.
Сличен инцидент се случи во Кардиф минатиот месец. Во комбе, полицијата следела двајца тинејџери на е-велосипед кои исто така загинале во несреќата, а нивната смрт предизвикала неколкучасовен немир во тој град.