Успешно се тргна за македонските теквондисти во походот кон учество на следните Летни олимписки игри кои ќе се одржат во Париз во 2024 година.

Филип Додевски успеа да обезбеди бронзен медал на меѓународниот Г1 турнир „Сараево ОПЕН“ во Босна и Херцеговина кој носи бодови за олимписката ранг листа.

Нашиот натпреварувач оствари две победи над Давид Шимек од Чешка со резултат 9:5, и против Фахит Сбаихи од Јордан (21:15).

Имаше пораз во полуфиналето во исклучително тесна борба од актуелниот медалист од Светско првенство, Иван Шапина од Хрватска (8:6).

Додевски само го продолжи континуитетот на одлични резултати на македонското теквондо на меѓународната сцена.