По 12 години развој, благодарение на стратегијата „Смартфон× AлоT“, Шаоми се прошири на повеќе од 100 пазари ширум светот, а портфолиото на компанијата вклучува паметни телефони, паметни уреди вклучувајќи телевизори, домашни апарати, часовници и многу други.

Преку различни средства како што се стекнување, вкрстено лиценцирање и пренос на патенти, Шаоми има акумулирано значајни патентни достигнувања. На крајот на септември 2022 година, оваа компанија достигна бројка од дури 29.000 патенти ширум светот, покривајќи повеќе од 60 земји и региони, објави порталот Каматица.

Исто така, од 30 септември оваа година, кинескиот гигант има над 7.700 патенти поврзани со МИУИ, како и повеќе од 700 патенти поврзани со технологијата за полнење на паметни телефони.

Ванг Ксијанг, партнер и претседател на корпорацијата Шаоми, за прв пат ги претстави ИП вредностите на Групацијата. Тој изјави дека Шаоми е многу посветен на обезбедување на најновите и најдобри технолошки иновации на своите корисници, почитувајќи ги правата на интелектуална сопственост и нудејќи различни решенија за решавање на споровите за ИС.