Македонската кадетска џудо репрезентација е во Коџаели (Турција) каде што настапува на Балканското првенство со вкупно шест натпреварувачи.

Во Коџаели отпатуваа Игнат Петров (-55 кг.), Никола Магдески (-66 кг.), Теа Настоска (40 кг.), Теона Настоска (-44 кг.), Ива Богдановска (-52 кг.) и Лилјана Недановска (-63 кг.). Екипата е предводена од селекторот Дејан Мицкоски и тренерот на кадетската селекција, Мики Чадамов.

Теа Настоска успеа да освои бронзен медал, таа покажа одлични борби, а пресудна беше борбата за третото место против романска репрезентативка.

Останатите џудисти имаа одлични борби, но не се изборија за место на пиедесталот, информираат од Џудо Федерацијата на Македонија.

За денеска е најавен настапот на Недановска која според жребот првата борба ќе ја има со натпреварувачка од Албанија.