Британскиот боксер Тајсон Фјури ќе се бори против Украинецот Олександар Усик во Саудиска Арабија во првата борба на овој век за обединување на сите титули во тешка категорија, објави денеска агентот на Фјури, Френк Ворен.

Фјури е шампион на ВБЦ во тешка категорија, а Усик ги држи појасите ИБФ, ВБА и ВБО.

Борбата ќе се одржи во главниот град на Саудиска Арабија, Ријад, а датумот сè уште не е познат.

– Ова е најголемата борба што може да се организира во нашиот спорт. Не се сомневам дека ова ќе биде најголемиот боксерски настан на векот – рече Ворен.

Последната борба која го круниса апсолутен шампион во тешка категорија беше во 1999 година, кога Ленокс Луис го победи Евандер Холифилд.